हे पुस्तक वाचल्यावर निळू भाऊ (निळू फुले) म्हणाले होते "साने गुरुजींनी महाराष्ट्राला आई दिली आणि नरेंद्र जाधवांनी बाप दिला" मी हे पुस्तक वाचले तेंव्हाच या अभिप्रायची प्रचिती आली. हे एका बापाचं नुसतं आत्मचरित्र नाही तर हे एका माणसाच्या संघर्षातून आणि प्रेरणेतून घडत जाणाऱ्या पिढ्यांचा खडतर पण तितकाच उत्साहवर्धक प्रवास आहे. डॉ. बाबासाहेब आंबेडकरांच्या विचारातून घडलेला हा जीवनप्रवास नरेंद्र जाधवांनी ग्रामीण आणि प्रमाण भाषेच्या सुंदर मिलापतुन लिहिला आहे. ही कथा आहे एका बापाची, डॉ नरेंद्र जाधव यांच्या वडिलांची.... त्यांनी घडविलेल्याया तीन पिढ्यांची.
या चरित्रातुन तत्कालीन समाजातला जातीभेद, समाजाची मानसिकता, त्यातील संघर्ष, संघर्षातून मिळलेल यश अशा अनेक भावभावनांचं चित्रण केलं आहे. या पुस्तकातील प्रत्येक पात्र हे तीन वेगवेगळया काळातील आहेत पण तरीही दादा (नरेंद्र जाधवांचे वडील) आणि आंबेडकरी चळवळ या दोन गोष्टी या तिन्ही पिढ्यांचा समान दुवा आहेत.
यशाची शिखरे गाठणाऱ्या दलित आणि मागासवर्गी व्यक्तींकडे पाहून लोक "काय नशीबवान माणूस आहे, आरक्षण आणि सवलतीमिळवत पुढं गेला " अस म्हणतात. अशा कमनशिबी माणसानं चपराक म्हणून रेव्ह जेसी जॅक्सन ला कोट करून म्हणतात .. "don't judge me from where I stand, judge me from where I came from..."
हे पुस्तक प्रत्येकाने वाचावं...कारण हे पुस्तक संघर्ष करण्याला प्रेरणा देत आणि हताश मनाला प्रफुल्लित करत..... प्रत्येक बाप आपल्या पोरासाठी खपत असतो पण संघर्षातून पिढ्या घडवणारा नरेंद्रचा बाप हा लाखात एक असतो....
कोणत्याही टिप्पण्‍या नाहीत:
टिप्पणी पोस्ट करा