एक मित्र भेटला होता. अभय नाव त्याच. भरपूर खुष होता, अर्थात कारणही तसंच होत. त्याने पुण्यात एका टॉवन शिप मध्ये 3 BHK घर घेतलं होतं. ईस्ट फेस बाल्कनी, हिरवेगार टेरेस गार्डन, स्विमिंग पूल, मुलांसाठी इंटरनॅशनल स्कूल , जवळच एक भलामोठा शॉपिंग मॉल, क्लब, .... आणि बरंच काही. प्रत्येक तरुणांच्या स्वप्नातलं घर अभयने प्रत्यक्षात घेतलं होतं.
अभय एका मोठ्या MNC मध्ये मोठ्या पदावर कार्यरत होता. नजरेत भरावी अशी त्याची गरुड झेप होती, यशाची अनेक शिखरे पादाक्रांत करत तो इतवर पोहचला होता. त्याला एक सुंदर बायकोही होती. शमिका. शमिका शाळेमध्ये समाजशास्त्र शिक्षिका होती आणि त्याच शाळेची मुख्याध्यापिकाही होती. अभय आणि शमिका पुण्यातील लोहगड ट्रेक ला भेटले. दोघंही ट्रेकचे दिवाने. दर वीकएंड ला ट्रेक करणे हा दोघांचाही आवडीचा छंद. किल्ले सर करत असेच एके दिवशी कळत-नकळत प्रेमात पडले. कधी प्रेमाचा किल्ला सर केला त्यांनाही नाही कळले. इतक्या व्यापातून ते अजूनही ट्रेक करत असतात.
त्यांनी 3 BHK घर घेतलं होतं त्याच्या उदघाटनाला मी गेलो होतो. दोघ तशी खुश दिसत होती, पण अभय कडे पाहून तसं वाटत नव्हतं. उदघाटन आणि नंतर जेवण असा कार्यक्रम उरकला. दुसऱ्या दिवशी अभय नेहमी प्रमाणे ऑफिस नंतर चहाच्या टपरी आला, मी तिथंच होतो. मला पाहताच स्मित करून गप्पा मारायला चालू झाला. हातात गरमागरम चहा, दुसऱ्या हातात सिगरेट , आणि गोंधळलेले भाव. अशा गोंधळात अचानक अभय बोलला, "मित्रा तुला भूत-प्रेत यावर विश्वास आहे का?"
मी गोंधळलो, IT मध्ये काम करणारा, वेळोवेळी चळवळीला मदत करणारा असा प्रश्न कसा कायविचारतो.मी म्हणालो "नाही, पण असा प्रश्न अचानक...."
त्यावर तो बोलला, "नवीन घर घेतलंय, पण तिथं मला झोप नाही लागत, सतत काही तरी पाप केल्यासारख वाटत आहे, कोणीतरी त्या माहीत नसलेल्या पापाची शिक्षा देतंय याची भीती वाटत आहे, ......"
"अरे हे तुला वाटत आहे , म्हणजे हा तू विचार करत आहेस की ....." मधेच टोकून तो म्हणाला ...." अरे भावा मला स्वप्न पडतात तशी आणि एक अनोळखी सावली मला सतत् तू पापी , तू माझा जीव घेतला आहेस..... आणि आजूबाजूला झाडं, जनावर आणि मध्ये मी.... अस चित्र दिसत असत...."
"बापरे.... पण तू जे घर घेतलं आहेस त्याचा व्यवहार...." मी काही बोलणार तोच त्याने मला पुन्हा टोकाल. " व्यवहार पूर्णपणे कायदेशीर होता, जो पैसा मी उभा केला तोही घामाचा ... तुला माहीत आहेच की मी आणि शमिका दिवस रात्र काम करत होतो... आणि दोघंही जमेल तसं समाजकार्य ही करत असतो..शमिका तर प्रत्यक्ष फिल्डवर जाऊन काम करते... मग हे स्वप्न , माझं पाप..... ,भावा घर झपाटलय की मला झपाटलाय कळतं नाही...."
"तू समाजतोस तसं काही नसेल,अस कोण कुणाला झपाटत का? हो जर हे शक्य जरी असेल तर कोण झपाटणार तुला, जे घर घेतलंय त्याचा पहिला मालक तू, म्हणजे त्यावर आधी।कोणाची मालकी पण नव्हती,... मग तुला झपाटणार तरी कोण... मला वाटत तुझ्यावर थोडा कामाचा ताण आलाय आणि बरेच दिवस तू शमिका सोबत ट्रेकला सुद्धा नाही गेलाय. मस्त दोन-चार दिवस फ़िरायला जा... मग बरं वाटेल..."
अभयला बहुदा हे पटलं, तशी त्याने होकारार्थी मान हलवली. बसल्या बसल्या, Nearest Natural Resort अस गूगल वर सर्च केलं. लोणावल्यातील घनदाट जंगलातील एक रिसॉर्ट त्याला आवडलं. चार दिवस बुक केलं. स्वारी खुश होऊन घरी गेली.
ठरल्याप्रमाणे अभय आणि शमिका लोणावळ्याला जायच्या तयारीत होते.... आदल्या रात्री अभय ला स्वप्नांत तीच सावली दिसली ... मिश्किल हसण्याचा आवाजात एक स्त्री म्हणत होती .... पुन्हा तीच चूक करतोय........
अभय जागा झाला, पण काही घडलंच नाही अस भासवून लोणावळ्याला जायच्या तयारीला लागला.....
क्रमशः....₹
कोणत्याही टिप्पण्‍या नाहीत:
टिप्पणी पोस्ट करा